新手上路(hardcore)

一開始玩左大概個零兩個月 呢個時候6屬武器盤應該都開始成形不過未完善 另外應該可以開始打到50%或者solo到方陣1.0 boss lv我諗大約會係60-70lv左右 咁呢個時候你應該大概對隻game有初步了解 亦都可能想知點樣先可以變強

一般黎講要變強就係要抽蛋同搞好個武器盤 咁呢到就唔講抽蛋 會大約講解一下點樣搞好個武器盤

咁初期入手到比較強既武器有巴哈武同U巴武

巴哈武器

https://xn--bck3aza1a2if6kra4ee0hf.gamewith.jp/article/show/33251

呢D武器係side story(ss) どうして空は蒼いのか入手既 佢送俾你既係一把已經SSR化既武器 但佢係未終突 而你想終突佢係需要用到大巴角 入到大巴場係最少要去到100lv先得 所以如果你想快D係前期有多D血去應該唔同關卡 快D升到上100lv再去終突巴哈武器係一個唔錯既選擇(跟返種族加攻加血)

U巴武器

https://xn--bck3aza1a2if6kra4ee0hf.gamewith.jp/article/show/62344

呢把武器亦都可以係ss入面拎 係どうして空は蒼いのかII Paradise Lost入手 咁呢把武器同樣地係加攻加血(跟得意武器) 一般初期入手只係會得一招技 想開多幾招技就要去換key 但呢d key係要材料換 而呢d材料你就要去共鬥跟30連既U巴N

打U巴N拎佢既材料メテオライトの欠片然後合上去メテオライト去換key 呢d key都係有渾身/連擊等等對你初期加攻加連擊係好有幫助

咁要點先開到U巴N就係要主線推到去93章再加開一次格蘭丁

咁去到呢到 有人會想立即升到100lv搞巴哈武器同快推主線去跟共鬥30連搞U巴武器

升到100lv搞巴哈武器係比較輕鬆 但 如果你100lv去跟30連U巴N 我相信呢個會係一個地獄 因為你會發現好多房都係限左lv 因為如果係低rank(d人假設低rank係弱d)跟一車U巴N係要打好耐 所以會限高rank 一般都係限180以上 如果你低rank走去跟車 好大機會會打3 4個鐘而仲有機會炒車 所以我唔建議你可能岩岩100lv個陣就去跟車 當然如果有高rank團友開房俾你入去奶就冇問題

所以我就會建議一個比較hardcore d既做法就係你要不斷地踢金銀/踢共鬥罐拎升rank (不斷踢罐係精神污染好好玩)

一般情況我都會建議你係半減個陣踢 因為比較慳水同埋有個活動天使關 升rank比較快 但如果你係有幾千水係身既話 咁就唔需要等到半減 已經可以開始去踢罐

如果唔係半減既話 你大約要預2000支半水去拎黎踢罐 咁樣應該可以幫你升到>180lv

你要不斷去踢罐 盡快將自己既rank升上最少180 (去到180你會發現都未必夠 但最起碼升到180lv先 因為都會有共鬥房入到)

而踢罐方面 踢共鬥罐同踢金銀既分別係共鬥罐每場既rank pt係比金銀罐少但會有機會拎到半水 所以有機會打返黎既水抵銷左你用既水 咁呢個係你既決定 如果你身上有幾千支水既話就可以去踢金銀 因為金銀罐既rank pt係比較多

事前準備

白兔召

 (左面個隻 右面係轉世用15000pt換 兩隻召一樣效果 如果夠勤力就唔好用轉世分換)然後突滿  https://xn--bck3aza1a2if6kra4ee0hf.gamewith.jp/article/show/35347

入手方法去主線29章 搵個quest叫鋭敏な聴覚 然後等隻白兔亂入 打夠8條蘿蔔就可以去商店到換

咁呢隻召係當你冇輝夜召個陣既替代品黎 加多15%掉寶係可以拎到你獲得既半水量提高

劍聖

https://xn--bck3aza1a2if6kra4ee0hf.gamewith.jp/article/show/21339

呢隻職係extra I入面可以開到(推共鬥去到EX4-4) 而佢既作用就係用佢招一技剣神解放黎秒殺D罐 另外仲要有特定既主手武器(根據血量乘X倍無屬性傷害)先可以做到(因為D罐好高防 普通攻擊/技能打唔入)

劍聖主手武器

黑貞劍  (血量X100倍無屬性傷害) (課金武器)

金属バット (血量X60倍無屬性傷害) (活動蒼空の向こう側武器)

セフィラの翠剣   セフィラの翠刀         無垢白刃             釘バット                       骨喰藤四郎 (全部都係血量X9倍無屬性傷害)

                                                            

轉世武器                    轉世武器             課金武器    活動自由をその手に武器  活動刀剣乱舞武器

 

有以上既準備就可以開始去踢罐了

共鬥罐

https://xn--bck3aza1a2if6kra4ee0hf.gamewith.jp/article/show/38554

佢係共鬥H3-1 一舨都係一個人走入去打就得

水罐既血量係10萬 咁舉個例子係你用黑貞劍做主手武器 咁你就需要10萬除100 即係1000血去殺隻罐

如果係用轉世武器既話你就要 11112血去殺隻罐

去踢水罐既時候你要開齊房入面既rank, exp加成去到100%同埋掉寶去到lv9 仲有要開埋水滴既rank, exp同掉寶

開齊哂所有buff你就可以開始一小時無間斷既踢罐時間 基本上你做既動作就係入場 開主角1技再f5就完場可以繼續下一場 一直loop

金銀罐

 

係平時素材quest入面會見到

建議係星期六日先大 因為會有大罐出現率up

https://xn--bck3aza1a2if6kra4ee0hf.gamewith.jp/article/show/99421     

踢金銀罐有個好處就係你未必要有劍聖(當然有就會打得快D)

入場可以拉兔仔/輝夜召

踢金銀會有兩關 第一關你首先要放一隻召殺一至兩隻金/銀細罐

然後普攻一兩turn就可以殺埋淨低兩隻水屬細罐 之後就會去到第二關 會有三個情況

第一個情況就係見到大罐(金/銀) 你只要有兩下同時既奧義就會殺哂

用劍聖既話就可以開一技殺到

 

第二個情況就係三隻細罐 咁你就只需要開一下召就會殺哂

如果開唔到召既話都係只要兩下同時既奧義就會殺哂 用劍聖既話亦係可以開一技殺到

第三個情況就係有一群罐 咁呢群罐係普通怪 唔高防

但因為佢血量比較高(大約80萬) 所以會打得比較耐同埋有機會死 所以見到呢大群水罐就要開技打 但如果真係打唔贏咁就唯有走場 呢隻怪最少經 所以走場都唔會唔抵 加上星期六日遇到金銀大罐個機率會比較高 所以見到呢群罐個機率會冇咁高 打得贏就打啦啦啦啦

咁以上就係踢金銀/共鬥既方法 一直keep住踢升到上180lv 因為升rank好緊要 所以我會建議大家就算升到180lv都唔好停住 因為依家限rank既房會愈限愈高 所以你想入D打得快既場就要努力升rank